Jæja gott fólk

 Ég hef ákveðið að hætta með þessa síðu og í staðinn þá erum ég og Stebba komin með sameiginlega síðu þar sem við munum dúndra inn myndunum okkar og svo kem ég kannski með einstaka blogg þar sem Stebba er ekki líkleg til stórræða í þeim bransanum En allavega, þá er linkurinn á nýju síðuna:

 www.123.is/birkirogstebba

 

Takk fyrir að hafa lesið síðuna í öll þessi ár og endilega kíkið á nýju síðuna

 

Birkir 

Já sælir gömlu rebbar

 Þá er maður kominn heim frá höfuðstað norðursins, staðnum sem eitt sinn var kallaður Bangkok norðursins, heimabæ Brynjuíssins og íslandsmeistaranna í hokkí (ef ég man rétt) og besta skíðsvæðis landsins, Akureyri. Þar dvöldum við 1.árið á Laugarvatni í heila 5 daga að læra sjálf og læra að kenna hinar ýmsu vetraríþróttir. Við gistum öll saman á Gistiheimili Akureyrar og þar gerðust vafasamir hlutir sem ekki fara út fyrir bekkinn Eins og vill reyndar oft gerast þegar nemar á Laugarvatni eru annars vegar En dagskráin var þannig að alla morgna vorum við í skautahöllinni, hinum gríðarsterka heimavelli SA, þar sem við sýndum listatakta í hokkí og hinni stórkostlegu íþrótt Curling eða eins og Mörður Árnason kýs að kalla hana, Krullu. Fyrir þá sem ekki vita hvað Krulla er þá er það þessi með steinunum sem er rennt eftir ísnum og svo eru nokkrir sem sópa fyrir framan steinana.  Þetta er eiginlega bara boccia á ís með kústum. S'iðan kynntist ég hokkí alveg uppá nýtt. Djöfulins snilldar íþrótt.  Það eru fáar íþróttir sem ég hef prófað, og ég hef prófað þær allflestar, sem eru eins líkamlega erfiðar og hokkí. Og ekkert eðlilega skemmtileg í þokkabót. Eftir þessa 5 daga skautaþjálfun er ég að sjálfsögðu kallaður konungur íssins, Birkir Gretzky og margt fleira í þeim dúr En nóg um það. Eftir stuttan hádegismat var síðan skundað uppí í fjall Hlíðar og rennt sér á bretti eða skíðum fram til lokunar. Tær snilld.  En núna er hversdagsleikinn tekinn við á ný og maður mætir bara niður í íþróttahús á hverjum degi í verklegt. Meðal verkefna næstu vikna er t.d. að búa til dansatriði til að sýna fyrir 2. og 3. árið.  Já þið lásuð rétt... við á 1.ári eigum að hafa danssýningu.  Svo verður allt saman tekið upp og allir hlægja sig máttlausa að okkur stirða fótboltafólkinu sem kann ekkert að dansa Síðan erum við að fara í samkvæmisdansa ásamt þessum venjulegu boltaíþróttum og sundi.  Jááááá svona er lífið á Vatninu. En nú er þetta oirðið gott.  Ég læt mynd fylgja í tilefni dagsins. Tjátjá

 

 

Alveg snar þessi  

Sælaaaaaaaaaaaaar

Hvað er málið með þessa feminista kellingu sem skrifaði á bloggið sitt útaf Smáralindarbæklingnum. Hún er nú ekki alveg með öllum mjalla. Það er bara einfaldlega ekki allt í lagi ef þú sérð eitthvað kynferðislegt útúr mynd af fermingarstelpu að beygja sig niður með opinn munninn. Hún sagði á blogginu sínu að hún væri að biðja um, ég biðst afsökunar á orðalaginu, "að fá það aftanfrá" og "að hún væri að biðja um að fá t**** í munninn". Hún sagði líka að á forsíðu þessa umrædda bæklings mætti sjá þessa ungu stúlku í velþekktri stellingu úr klámmyndum. Ég sé bara ekki betur en að stúlkugreyið sé einfaldlega að beygja sig eftir bangsa og ég verð bara að segja eins og markaðsstjóri Smáralindar að ef einhver les einhvern sora útúr þessari mynd þá er hann einfaldlega bara með einhverjar sjúkar hugsanir. Annað sem hún sagði sló mig nú soldið en það var að í túlkun sinni á táknfræðinni sem hún sér búa að bak við myndinni sé blandað saman sakleysi barnæskunnar við tákn úr klámi og að útkoman verði því hin saklausa hóra, hin hreina mey sem í einni svipan verður klámmyndadrottning... Er ekki allt í lagi kelling??!! Hvað er að þessum öfga feminista kellingum þessa dagana. Það má ekkert gera án þess að þær sjái eitthvað klámfengið úr því. Það mætti halda að þær fengju borgað fyrir að kvarta svo mikið eru þær vælandi í fjölmiðlum þessa dagana. Svo er ein önnur vælandi feministi sem sniðgegnur allar vörur sem eru auglýstar með fáklæddum konum eða eitthvað slíkt. Hún kom í viðtal einhversstaðar og var eitthvað að tala um að hún væri að sniðganga einhverjar vörur og fyrirtæki en þau eru svo mörg að hún man ekki einu sinni af hverju hún er að sniðganga sum fyrirtæki. Í alvöru, eignist líf og hættið þessu væli. Ég held nú samt að þetta sé bara lítill hluti feminista sem eru með tárin í augunum alla daga og restin sé bara ágætis fólk enda er ég að sjálfsögðu hlynntur jafnrétti sem ég hélt að væri aðalbaráttuefni feminista en ekki það að gráta í hvert skipti sem kona fer í bikini eða beygir sig niður. Ég segi bara plís, einhver rétti þeim tissjú! Langaði bara að koma þessu frá mér því égvar svo yfir mig hneykslaður á þessari Guðbjörgu Kolbeins þegar ég las fréttablaðið í morgun. En nú er þettaorðið gott. Og farið nú að kommenta pappakassarnir ykkar. Það getur ekki verið að þessir 3 sem kommenta eitthvað hérna skoði síðuna mína samtals 130 sinnum á dag. Það hljóta einvherjir fleiri að kikja hingað. Koma svo... Kommenta. Leiter

 

Birkir

Já góða kvöldið lömbin mín

 

Jæja, þá er vettvangsnáminu lokið og ég verð bara að segja að þetta var frábær reynsla og mjög skemmtileg þar að auki. Krakkarnir í Fellaskóla eru hin skemmtilegustu þó svo að inn á milli séu vissulega kolsvartir, algjörir sauðir sem að skemma fyrir fjöldanum. Það er þessum sauðum að kenna að orðsporið af þessum skóla er eins og það er. En ég gat ekki séð betur en að stór meirihluti krakkanna séu vænstu skinn. Svo er hann Freysi minn gott dæmi um vel heppnaðan Fellaskæling, enda fékk hann ómælda virðingu krakkanna strax frá upphafi. Hann er náttla ekki nema þriðji einstaklingurinn úr Fellunum til að fara í háskóla En þetta hef ég að segja við krakkana í Fellaskóla... virðing!

 

Eitt sá ég á mbl.is sem gerði mig hreinlega reiðan og reyndar líka mjög hissa því að ég vissi ekki að svona litlar sálir væru til. Einhver andskotans fáviti keyrði á 8 ára strák á Akranesi og keyrði í burt af vettvangi. Við það að lesa svona spyr maður sig, hvað er að fólki!? Allt eðlilegt fólk hefði náttla stoppað bílinn og farið út að hjálpa greyið drengnum og tekið mistökum sínum eins og maður. Það ætlar sér auðvitað enginn að keyra á 8 ára dreng og þess vegna efast ég um að það hefði verið gert eitthvað mikið mál úr þessu atviki ef hann hefði bara stoppað og hjálpað stráknum. En þessi maður, sem er greinilega afskaplega lítil sál og algjör ræfill, næst vonandi og látinn borga greyið stráknum skaðabætur og vonandi verður skirteinið tekið af honum líka. En nóg um það...

 

Í næstu viku er sennilega skemmtilegasta vika skólans hingað til því að við á fyrsta ári erum að fara til Akureyrar í 5 daga til að læra vetraríþróttir. Í rauninni flyst skólinn bara til Akureyrar, nánar tiltekið uppí Hlíðarfjall og á skautasvellið, en þar sem það verður alltaf bara kennt til hádegis og við höfum svo það sem eftir er dags til að renna okkur á skíðum eða bretti fríkeypis í Hlíðarfjalli. Skólinn borgar að sjálfsögðu lyftukortið alla vikuna Þannig að ef þið verðið á Eyri akurs í næstu viku þá endilega bjallið á kjeppann. En þetta er bara orðið djöfulli gott í bili. Leiter hómzzzzzz

 

Birkir

Jááááá sælaaaaaaaaaaaaar

 

Jæja... vegna fjölda áskoranna og hótunnar frá Mæju pæju um að hætta að skoða bloggið þá varð ég bara að koma aftur úr bloggfríinu mínu. Það er ansi margt búið aðgerast á þessum mánuði en þó nenni ég nú ekki að skrifa um það allt. En ég kem nú með það helsta fyrir ykkur lömbin mín

Í dag byrjaði ég í æfingakennslu í hinum alræmda Fellaskóla í svartasta gettói Reykjavíkurborgar, Fellahverfi í Breiðholti. Ég og Freysi verðum þar þessa viku að fylgjast með og fáum líka að kenna alveg helling. Við mættum þarna um 9 leytið í morgun og var sagt að okkur væri velkomið að kenna strax klukkan 11.20 og líka tímann á eftir. Þannig að við fengum góða 2 tíma til að undirbúa tvo tíma í einum erfiðasta skóla Evrópu og þó víðar væri leitað. Og það var ekki allt. Bekkurinn sem við kenndum fyrst voru tveir 5.bekkir saman sem þykja frekar sprækir. Og þessi grey voru nú ekki alslæm en það var þó nokkuð um "töffara" og maður fékk ekkert svakalega mikla athygli frá þeim á köflum. En það var bara gaman að því. Næsti tími var svo 8.bekkur og gekk það eiginlega bara eins og í sögu. Við Freysi náðum ágætlega til krakkanna, enda Freysi legend í Fellunum og einn af fáum sem hafa farið í háskólanám úr Gettóinu Á morgun kennum við svo heilar 6 kennslustundir og þ.á.m. 10 bekk sem verður örugglega athyglisvert. Spurning hvort að víkingasveitin ráðist inn í salinn og handtaki nokkra "dílera". Maður spyr sig. Ég er náttla bara lítill og saklaus Hlíðabúi og þekki ekki þetta umhverfi og þess vegna er gott að hafa Frey með sér í þessu sem er þaulvanur í gettóinu. En annars þakka ég bara fyrir að vera á lífi eftir fyrsta daginn. 1 down, 4 to go

Í síðustu færslu talaði ég um frækilegann sigur okkar massanna á 1. ári á væsklunum á 2.ári í körfu. Greyin mönuðu sig loksins upp í að skora aftur á okkur og aftur var það handbolti. Þeir völdu náttla dag þar sem þeir vissu að við yrðum ekki uppá okkar besta, eða daginn eftir kvennaferðina, sem er eitt af aðalfylleríunum á Vatninu. Þess má geta að enginn á öðru árinu drakk þetta kvöld heldur tóku þeir extra handboltaæfingu bæði daginn fyrir leik og svo um morguninn fyrir leik. Við á 1.ári mættum skelþunnir í leikinn sem var á hádegi og við allir nývaknaðir. Til að gera langa sögu stutta þá mörðu væsklarnir á 2.ári sigur eftir framlengingu og vítakastkeppni og hafa held ég bara aldrei verið stoltari. Ég hefði ekki verið alveg eins stoltur af því að vinna mjög nauman sigur á mönnum sem voru nánast ennþá fullir eftir nóttina en ef þeim líður vel með þennan sigur þá óska ég þeim bara til hamingju og vonast hér með eftir áskorun í fótbolta ef þeir þora. Og kannski þeir skori á okkur þegar við erum edrú.

Svo langar mig aðeins að koma inn á þessa umræðu um klámráðstefnuna sem átti að fara fram hérna. Hvað er að!!!!!!!???? Búum við í Sovétríkjunum á tímum kalda stríðsins. Ég bara spyr. Ég bara skil ekki hvernig við getum leyft okkur að velja túrista og banna þeim sem okkur þóknast ekki að koma til landsins og segja að þeir séu ekki velkomnir. Og það voru ekki bara feministarnir (sem mér finnast b.t.w. ekkert sérlega skemmtilegar... stanslaust vælandi) sem vildu ekki fá þetta lið heldur kom borgarstjórinn og sagði að þau væru ekki velkomin. Af hverju hættir hann ekki bara að skipta sér að því sem kemur honum ekki við og fer og sinnir alvöru störfum sem borgarstjóri á að sinna. Þetta fólk var ekkert búið að brjóta af sér hér á landi og ég minni á það að það sem þetta fólk gerir er löglegt í þeirra landi og viðurkennd starfsgrein. Ef við höfum einhverjar áhyggjur af því að þau séu að fara að brjóta einhverjar reglur þá á bara að fylgjast með þeim eins og öðru fólki hér á landi og handtaka ef þau brjóta lög. Mér finnst ekkert réttlæti í því að meina þeim gistingu á nákvæmlega engum forsendum. Svo man ég ekki betur en að það hafi útlendingar komið hér til lands á síðasta ári og tekið upp heila klámmynd... ekkert heyrðist þá. Og hvar heldur fólk að myndirnar fyrir bleikt og blátt séu teknar. Í Bretlandi. Neeeeeeeeeeiiiiiiiii. Af hverju velja stjórnvöld sér bara suma aðila til að bögga en ekki alla. Annað hvort verða þeir að gera þetta almennilega eða bara sleppa þessu og virða rétt fólks og frelsi einstaklingsins. Er það ekki það sem við viljum. Frelsi. En nú er þetta komið gott. Nú vil ég fá komment börnin góð Leiter bíaddsjes

 

Birkir

Góóóóðan dag, góðan dag, glens og grín það er mitt fag... o.s.frv.

Ég hugsa barasta að það sé kominn tími á smá blogg. Það sem er að frétta af kappanum er ekki voða mikið en það er þó að frétta frá Fredrikstad að ég og Pálmi fengum ekki samning en maður grætur það ekkert. Ég fæ þá bara tækifæri til að vinna langþráðan Íslandsmeistaratitil með Reykjavíkurstórveldinu og ekki nóg með það heldur líka á nýjum og stórglæsilegum velli. Ónei það verður sko ekki leiðinlegt í sumar hjá okkur Valsmönnum.

Í dag skoruðu gungurnar á 2. ári svo loksins á okkur aftur og í þetta skiptið í körfubolta. Og hafi þeir haldið að þeir ættu einhvern meiri séns núna en síðast, þegar þeir skoruðu á okkur í handbolta, þá skjátlaðist þeim allsvakalega. Sjampódrengirnir voru sko teknir að aftan í þurrt... Undirritaður skoraði 4 stig, stal 2 boltum, blokkaði einn bolta langt útaf vellinum ( það var geðveikt enda trylltist allt í húsinu) og tók ófá fráköst í 22-17 sigri.  Þeir voru frekar tapsárir greyin enda  vildu þeir hefna fyrir handboltatapið en því miður erum við strákarnir á 1. ári einfaldlega bara miklu betri en þeir Eins og ég sagði eftir að við unnum handboltann þá erum við fyrsti 1.bekkurinn til að vinna áskorun gegn eldri bekk og nú höfum við gert það tvisvar. Þvílíkur árgangur!!!!! Nú bíðum við bara eftir fótboltaáskoruninni því að það er jú sú grein þar sem við eigum að vera sterkastir og þ.a.l. efast ég um að þeir þori greyin. En nóg um það

Ég fékk loksins síðustu einkuninna mína í síðustu viku og ég er bara nokkuð sáttur. 8 í inngangur að háskólanámi, 8 í hreyfing og íþróttir barna I og 6 í vöxtur og þroski. Þetta gerir 7.47 í meðaleinkunn ef ég man rétt sem er bara hærra en ég á að venjast. Kallinn sáttur. En nú er þetta orðið gott í bili. Leiter skeiter

Birkir

Jááááááááááá góðann daginn

Ég er bara búinn að vera í Noregi í 2 daga en samt hef ég lært sitthvað í norskunni. Heja Norge, Jeg har det bra, Har du det bra, Kan jeg har en påfylling. Ótrúlegt hvað maður lærir fljótt... össsssssssssssss. Hér sit ég á hótelherbergi í Noregi og skoða internetið af áfergju. Ég kom hingað á mánudagskvöldið til að æfa með Fredrikstad FK og það hefur bara gengið nokkuð vel. Fórum reyndar í óvænt píp-test í gær sem maður bjóst ekki alveg við en það var sosum ágætt. Svo var fótboltaæfing seinni partinn í gær sem gekk alveg ágætlega en hún byrjaði nú með því að það var tekið viðtal fyrir staðarblaðið hérnaí Fredrikstad við okkur Pálma sem mér fannst nú soldið magnað en það var sko ekki allt. Eftir æfinguna kom bara sjónvarpið og tók viðtal við kallinn. Ég vissi ekki hvaðan á mig stóð veðrið og ég hef örugglega verið alveg eins og kúkur og allir í Fredrikstad hafa örugglega hlegið sig máttlausa yfir viðtalinu. En ég er þó búinn með fyrsta sjónvarpsviðtalið mitt og vonandi verða þau ekkert mikið fleiri En þetta var bara svona til að öppdeita ykkur dyggu lesendurnir mínir. Leiter

Birkir

Já sælt veri fólkið

Þá held ég bara að það sé komið að ferðasögu frá ferð minni til hinnar undurfögru og stórbrotnu borgar, Barcelona. Það er búin að vera gríðarlega mikil pressa á mér að fara að drullast til að blogga og ég hef ákveðið að bregðast við þeirri pressu. Here goes...
Þann 19.desember hélt ég uppá Flugstöð Leifs Eiríkssonar klukkan u.þ.b. 6 um morgun til að taka flugmaskínu til höfuðborgar vændis, eiturlyfja og túlípana sem kölluð er í daglegu tali Amsterdam. Þar stoppaði ég stutt og rúmlega 3 tímum seinna var ég kominn uppí flugmaskínu á leið til minnar Mekka, Barcelona. Við komuna þangað fór ég bara beinustu leið uppá hótel að hvíla mig enda dauðþreyttur eftir að hafa vaknað eldsnemma. Reyndar kíkti ég svo um kvöldið á írskan pöbb í nágrenninu til að horfa á Liverpool-Arsenal sem átti að vera þarna um kvöldið en var svo frestað vegna þoku. Ég komst reyndar ekki að því fyrr en ég var búinn að láta barþjóninn leita að leiknum í sjónvarpinu í svona korter. Hann var mjög sáttur þegar ég sagði honum að það væri svo enginn leikur. En til að friða hann keypti ég bara nokkra bjóra á barnum og horfði á einhvern spænskan leik í staðinn Síðan skellti ég mér bara í háttinn. Daginn eftir vaknaði ég og tók smá túristapakka á þetta og fór að skoða hina frægu dómkirkju Barcelona sem var bara 1 mínútu frá hótelinu mínu. Síðan rölti ég bara aðeins á Römbluna áður en ég fór bara uppá hótel að bíða eftir Baldri sem var væntanlegur til borgarinnar síðdegis. Honum seinkaði reyndar aðeins og kom um 8 leytið og við kíktum út á pöbb þar sem við festum kaup á einum eða tveimur öllurum. Stóri dagurinn rann svo upp daginn eftir þegar hetjur okkar allra í stórliði FC Barcelona sem öttu kappi við Fernando Torres og félaga á hinum stórfenglega leikvangi Camp Nou. Ég og Ballz kíktum að sjálfsögðu fyrst í skoðunarferð um völlinn áður en ég verslaði fyrir tugi þúsunda í Barcelona búðinni. Missti mig aðeins Ég viðurkenni það fúslega enda er það ekekrt til að skammast sín fyrir. Skemmst er frá því að segja að við skemmtum okkur konunglega á leiknum þó svo að hann hefði ekki farið eins og best var á kosið. 1-1 jafntefli þar sem kóngurinn, Ronaldinho, skoraði beint úr aukaspyrnu. Eiði Smára tókst að klúðra dauðafæri í stöðunni 1-0 þar sem hann hefði getað gert út um leikinn. En hann ákvað að halda spennunni í leiknum og hitta ekki boltann. Síðan komum við Ballz bara heim á klakann á Þorláksmessu. Frábær ferð í alla staði fyrir utan 7 klst seinkunina á fluginu þegar ég var að fara heim útaf veðurandskotanum hérna heima. En svona var þessi ferð.
Jólin voru síðan alveg frábær og mér tókst 3 daga í röð að éta þangað til að mér leið bara bölvanlega og svo alltaf þegar ég var rétt búinn að jafna mig þá úðaði ég í mig ís og við tók annar klukkutími af vítiskvölum. Maður lærir aldrei af reynslunni þegar kemur að jólunum og góðum mat. Þannig er það bara. Milli jóla og nýárs skellti ég mér síðan til Bolungarvík City og var þar gestur hjá Stebbu og fjölskyldu í góðu yfirlæti fram á gamlársdag. Í Bolungarvík fékk ég m.a. mjög góðann hammara, borðaði svið, keyrði risastórann jeppa og keyrði nokkrum sinnum hina margfrægu og alræmdu Óshlíð með geðsjúkum ökumanni sem ber nafnið Stefanía. Hún vill gjarnan vera að tala í símann og borða á meðan hún keyrir og þ.a.l. kom það fyrir að maður varð ögn smeykur í Óshlíðinni. En þetta var allt í lagi því hún keyrði bara með löppunum ef hún hafði engar hendur eftir til að keyra Á gamlárs var svo kíkt á Sálina á Breiðvangi og skemmti ég mér konunglega þar að vanda. Sálin klikakr sko ekki. Það er nokkuð víst. Svona voru jól og áramót hjá Birki. Leiter

p.s. ég fer alveg að setja inn myndir. það fer bara að detta inn

Birkir

Jæja elsku rjómabollurnar mínar

Á morgun held ég uppí flugvél sem mun fljúga með mig til heimaborgar hassins og vændiskvennanna, Amsterdam.  Þar mun ég dvelja í nokkra klukkutíma þangað til ég mun stíga uppí aðra flugmaskínu sem mun taka mig til hinnar yndislegu borgar sem ég kýs að kalla Mekka, Barcelona.  Ég mun vera þar einn og yfirgefinn í rúman sólarhring á meðan ég bíð eftir honum Baldri Þórólfssyni sem mun dvelja þarna með mér.  Aðalatriði og ástæða ferðarinnar, Barcelona-Atletico de Madrid, er svo á fimmtudagskvöldið klukkan 2200.  Deginum verður sennilega eytt á Nývangi þar sem verður farið í skoðunarferð um kvikindið og verlsað fyrir upphæðir sem gætu gert venjulegan mann gjaldþrota í Barcelona megastore.  Vááááááá hvað ég hlakka ógeðslega mikið til.  Ég er nálægt því að kasta upp ég er svo spenntur.  Restin af ferðinni verður sennilega eytt á katalónskum pöbb þar sem drukkinn verður cerveza af áfergju.  FÍLA'ÐA!!!!!!! En ekki örvænta... ég kem aftur á Þorláksmessu og þið getið átt von á því að sjá kappann í miðbæ Reykjavíkur á Þorláksmessukvöld í góðum gír.  En þangað til... Leiter biddsjes

Birkir

Sælaaaaaaaaaaaaaaaaaaaaaaaaaaaaaaaaaaaar

Jæja, vegna fjölda áskoranna (eiginlega væli hjá Tyrkjanum og Stebbu... viljiði tissjú?) hef ég ákveðið að henda einni færslu á litla bloggið mitt. Ástæðan fyrir bloggleysi síðustu daga er aðallega leti og svo er maður nú í prófum og það gengur nú eiginlega fyrir. En allavega, here goes

Það er nú ýmislegt sem mér liggur á hjarta og eins og svo oft áður er ég að verða alveg gjörsamlega snar-, bandvitlaus á þessu helvítis dómskerfi hérna á þessari eyju.  Hvað er málið!?  Maður sem hélt fyrrverandi konunni sinni nauðugri á heimili sínu, barði hana og nauðgaði henni ítrekað, fær dóm en labbar sama dag út götu og nauðgar síðan aftur og menn hafa loksins vit á því að stinga þessu ógeðslega ómenni í gæsluvarðhald. Svo sá ég líka eitt annað í dag.  Það var að dómur yfir einhverjum ógeðslegum nauðgara var styttur úr 2 árum í 1 og hálft ár í Hæstarétti. Og vitiði af hverju þeim datt í hug að stytta dóminn? Já af því að hann var svo ungur nauðgaraógeðið.  Vááááááááá góð ástæða. Maður á bara ekki orð lengur.

Svo langar mig líka aðeins að minnast á stórkostlega frammistöðu AC Milan á síðustu vikum og mánuðum. Hvur djöfullinn er á seyði.  Fallbarátta í Serie A og 10 stig í riðlakeppninni í CL. Djöfull er það ógeðslega slappt. Og af hverju í fjandanum er ekki búið að reka þjálfarann. Þetta er bara ekki boðlegt. En jæja nú er nóg komið af væli. Að skemmtilegu hlutunum

Prófin klárast á mánudaginn og bekkurinn er búinn að leigja hús í biskupstungum þar sem við ætlum að grilla og hafa gaman saman. Það verður sko ekki amalegt því að þessi bekkur er bara tær snilld. Ekkert nema snillingar.  Síðan er maður á leiðinni til Mekka (Barcelona) þann 19. des þar sem ég mun berja öll goðin mín, að Danny Mills frátöldum, augum.  Þ.e.a.s. allt Barcelona liðið og Fernando Torres. Já þið gátuð rétt, ég er að fara á Barcelona-Atletico Madrid á Nývangi þann 20.des og ég mun sitja í dýrustu sætunum á vellinum takk fyrir og góóóóóðan daginn. En nú er þetta orðið gott og Tyrkinn og Stebba geta þerrað tárin.  Leiter

Birkir

Jæja

     Í gær kíkti Akademían úr Keflavík í heimsókn á hið yndislega vatn Laugar.  Það mættu held ég 25 kvikindi til að etja kappi við hin gríðarlegu hraustmenni sem eru á Laugarvatni í hinum ýmsu íþróttum sem voru fótbolti, blak, blindrabolti og boðhlaup.  Ég var að sjálfsögðu í kallaliðinu í fótbolta.  Við gerðum jafntefli 1-1 og það er skemmst frá því að segja að ég gat ekki neitt, enda er innanhússfótbolti ekki fótbolti eins og allir vita.  Laugarvatn jarðaði Akademíuna að sjálfsögðu í samanlagðri stigkeppni og fengum við því glæsilegan farandbikar sem má alveg eins kalla eignarbikar því að þessi bikar fer aldrei til Akademíunnar.  Eftir íþróttamótið byrjuðu menn svo að hella í sig og boðið var uppá pizzu í matsal ÍKHÍ.  Síðan voru skemmtiatriði í boði hvers bekkjar og þar var það klárlega 1.bekkur Laugarvatns sem stal senunni með snilldar eitís dansatriði þar sem rjómi var m.a. í stóru hlutverki.  Síðan þótti mér einnig skondið þegar Stebba var tekin uppá svið í Djúpu Laugina.  Mér þótti sérlega skemmtilegt hvað henni fannst þetta ekkert skemmtilegt. hahaha   

    Núna er maður svo bara kominn í gott helgarfrí og það verður sko ekkert skrall á manni þessa helgina.  Hef ákveðið að taka því bara rólega því að það er búið að vera ansi góð törn á Vatninu síðustu vikur og mánuði bæði í lærdómi og drykkju.  Þannig að maður tekur hvíldinni fagnandi.  Ekki einu sinni æfing.  En nú er þetta komið gott í bili. Sææææææææælaaaaaaar

Birkir

 

Já góða kvöldið

    Héðan frá Laugarvatni er barasta allt gott að frétta.  Reyndar er nánast búið að vera ófært héðan fyrir mig síðustu 3-4 daga vegna snjós og hálku því ég er ekki á nógu góðum dekkjum fyrir svoleiðis rugl.  En maður tjillar þá bara á Vatninu í staðinn.  Það er sko alls ekki verra þegar maður er í góðra vina hópi Annars er mest lítið búið að vera að gerast nema eintóm verkefni.  Svo fékk ég einkunnina úr helvítis sálfræðiprófinu (sálfræði er verkfæri djöfulsins eins og flestir vita) og ég rústaði því náttla eins og vanalega... fékk 5.  Ég var ekkert lítið sáttur því að þetta var einhver leiðinlegasti og VERST kenndi áfangi sem ég hef nokkurn tíman verið í.  Og hana nú!!!!!!!!  En ég er búinn með þetta og þarf ekki að pæla í því meira.  Ég samhryggist þeim innilega sem féllu á þessu helvíti og þurfa að taka endurtökupróf í janúar.  Hugur minn er með ykkur kútarnir mínir. 

    Á morgun, laugardaginn 11.nóvember á ég svo ammæli og ætla ég í tilefni af því að bjóða til örlítillar veislu á Vatni Laugar og er hver sem er velkominn.  Þannig að ef þið eruð í bænum og hugsið "rosalega langar mig í bíltúr í ógeðslegur veðri og hálkuviðbjóð" þá endilega kíkið á Vatnið og djammið með okkur Laugvetningum.  En jæja, nú er þetta komið ágætt.  Ble djingz

Birkir

Já góða kvöldið

Þá er maður bara kominn heim frá Gúllaslandi eftir svona líka þrælvelheppnaða för.  Ég flaug út til Köben á fimmtudaginn síðastliðinn og gisti á hóteli nánast á Istegade þannig að ég ákvað bara að hanga inni á hóteli allt kvöldið með kaldan Kalla, snakk og tölvuna.  Ekki amaleg kvöldstund þar.  Eldsnemma morguninn eftir skellti ég mér á Hovedbaaaaaaanegåååååååården og lest tekin á Kastrup, aðalflugvöll þeirra Dana.  Þaðan lá leiðin til hinnar geysifallegu borgar Búdapest.  Ég lenti í þvílíkt góðu veðri miðað við árstíma, sól og 20 stiga hiti. Algjör snilld.  Á flugvellinum beið svo eftir mér bílstjóri sem keyrði mig svo til Debrecen, þar sem Sibbó á heima.  Þó að við bílstjórinn töluðum ekki sama tungumálið þá gátum við samt talað saman á einu af alþjóðlegu tungumálunum, Led Zeppelin og Deep Purple.  Ég tengdi tölvuna í græjurnar hjá honum og við blöstuðum Zeppelin og Deep Purple og sungum hástöfum með.  Mjög skemmtilegur kall þar á ferð.  Þegar komið var til Debó þá var eiginlega bara farið beint í djammgallann og náð í bjór í ísskápin því að Ungverjaland-Ísland var að byrja í handbolta.  Ég og Sibbó beiluðum í hálfleik og fórum á geðveikan Sushi stað.  Ég hélt að ég myndi aldrei nokkurn tímann fást til að smakka sushi en það er bara djöfulli gott og ég sé sko ekki eftir því að hafa smakkað.  Síðan var farið í eitthað bekkjarpartý með bekknum hans Sibba og þar sem ég var örþreyttur og örlítið, bara örlítið, ölvaður fór ég snemma heim að sofa.

    Á laugardeginum skelltum við okkur síðan til Búdapest með lest.  Veðrið í Búda var alveg jafn djöfulli gott og þess vegna var alveg geðveikt að skoða þessa fallegu borg.  Við skoðuðum alla þessa kastala og frægu byggingar og skemmtum okkur bara helvíti vel.  Um kvöldið var síðan kíkt á einhvern bar niðrí bæ þar sem var verið að sýna spænska boltann.  Þar sátum við og sötruðum öl og fórum svo bara rólegir uppá hótel að sofa enda var Doktorinn vel þunnur eftir föstudagsdjammið.  Þess má geta að hann kom örlítið seinna heim en ég á föstudagskvöldið eða rúmum 8 klst síðar.  Daginn eftir var síðan haldið aftur til Debó og restin af ferðinni notuð í tjill.  Þess má til gamans geta að ég smakkaði straujaða nautasteik en það er eitthvað sem ég hugsa að ekki allir hafi smakkað. 

    Nú sit ég bara hérna heima og horfi á sjónvarpið.  Á laugarvatni er byrjað hálfgert hrekkjustríð eftir að hin alræmda Station mafía vakti einn meðlim Anti-Station eldsnemma í morgun með fullum bala af klökum og haframjöli.  Anti-Station hefur nú þegar lýst yfir stríði og hyggst hefna fyrir formann sinn, hnakkann frá Hellu, hann Árna.  Þannig að ég segi bara JIHAD og góða nótt.

Birkir

Jæja...

    Hér sit ég bara á flugvelli Leifs Eríkssonar og bíð eftir flugi héðan og til Kóngsins Köben.  Þar mun ég éta smörrebröd (borið fram Smöööööööööebrrrrööööd) og drekka ískaldan Carlsberg (borið fram Kaaaaarrrrrrrlsbeeeeeerrrrrg).  Þar gisti ég í eina nótt áður en ég legg eldsnemma af stað til Búdapest í Ungverjalandi, oftast kallað Gúllasland.  Þaðan fer ég svo til Debrecen þar sem hann Doktor Sibbus minn mun bíða eftir mér með gúllassúpu og með því.  En ekki örvænta því ég sný aftur á þriðjudaginn næstkomandi þannig að þið fáið að njóta félagsskapar míns þá.  Leiter

Birkir